Araban sozialistok udal eta foru hauteskundeetara joan ginen aurrera egingo duten gobernuak lortzeko konpromisoarekin, Alderdi Popularraren aukerari aurre egitearren.

Guri botoa eman zigutenek bazekiten helburu hori genuela.

PSEk eta EAJk Euskadin gaur akordio bat sinatu dugu udal eta toki erakundeak gehiengo egonkorren bidez osatu ahal izateko.

Akordio horren arabera, Araban EAJk aurkeztutako hautagaiaren eta Gasteizko Udaleko hautagaiaren alde egin beharko dugu, besteak beste, alderdi bien artean boto gehien lortu baititu.

Arratsaldean EAJk Gasteizko Udalerako hautagaia aurkezten duela esan digu, eta gu Gorka Urtararen hautagaitzaren alde bozkatuko dugu.

Euskadin izenpetutako akordioak zenbait irizpide politiko ezarri ditu krisi ekonomikoa gaintzeko, enplegua sortzeko eta hazkunde eta pertsonen ongizatea lortzeko.

Alderdi biren arteko lankidetzarako irizpideak ere finkatu ditu.

Alderdi bien arteko akordioa da soilik.

Programaren garapenari eta lankidetza-formari dagokienez, hurrengo egunetan zehaztuko dugu.

Sozialistok argi utzi nahi dugu ez dugula Bildurekin gobernu edo lankidetza-formularen batean parte hartuko.