PSE-EEko idazkari nagusi Idoia Mendiaren komunikatua Parisko atentatu terroristen ostean

PSE-EEko idazkari nagusiak, Idoia Mendiak, Euskadiko Batzorde Exekutiboaren izenean, ondokoa adierazi nahi du:

• Parisko atentatuak basakeria izan direla, eta guztiz kondenatzen ditugula; izan ere, Euskal Sozialistak bereziki astindu gaituzte zentzugabeak direlako eta guztion askatasunekiko eraso zuzena direlako.
• Une latz hauetan, biktimekiko eta hildakoen senideekiko elkartasuna adierazi nahi dugu, baita Frantziako agintariekiko eta gizartearekiko elkartasuna ere.
• Bizitzarekiko, pertsonen askatasunarekiko eta giza eskubideekiko konpromiso sozialista ukaezina dugula adierazten dugu.
• Euskal Sozialistok, terrorismoa modu berezian jasan dugunez, ondo dakigu ideien indarra eta demokrazia direla totalitarismoaren aurrean ditugun armak, totalitarismoa edozein izanda ere.
• Atentatuak errefusatzeko eta biktimekiko elkartasuna adierazteko ekitaldi guztietan izango gara, eta horietan parte hartzera animatzen zaituztegu, argi uzteko demokratok ez dugula atzera egingo.