Euskal Sozialisten idazkari nagusi Idoia Mendiak Iñigo Urkullu lehendakariari Euskadi “industria indartsua” exijitu dio egoera “oso arriskutsuan” gaudela, baita “enplegurako ere”.  Gainera, eskatu dio "hauteskunde-kanpaina egiteari uzteko", legegintzaldia agortzeko eta "urtea ez galtzeko".

Mendiak maiatzaren 1eko manifestazioan hartu du parte; CCOO eta UGT sindikatuek egin zuten deia “Soldata- eta Gizarte-pobreziaren aurka. Lana eta Eskubideak” lelopean. Euskal Sozialisten ordezkari asko ere izan dira: Bizkaiko idazkari nagusi Mikel Torres, PSE-EEko Enpleguko idazkari Alberto Alonso, Ermuko alkate Carlos Totorika, Enpleguko diputatu Teresa Laespada eta Legebiltzarreko bozeramaile José Antonio Pastor.

Mendiak aipatu duenez, Sozialistek ere parte hartuko dute, “urtero bezala”, Langileen Nazioarteko Eguneko mobilizazioetan, ospatzeko eta aldarrikatzeko, lan duina, soldata duina eta emakumeen eta gizonen arteko soldata-berdintasuna aldarrikatzeko".

“Hemen, Euskadin, zenbait estatistikaren arabera, Espainiako beste eskualde batzuetan baino hobeto gaude, baina, zoritxarrez, emakumeen eta gizonen arteko aldea handiagoa da”, azaldu du.

Hori dela eta, emakume den heinean, “oinarrizko” arazo hori ezin duela ahaztu aipatu du.  “Gainera, ezin dut ahaztu orain dela egun gutxi batzuk kaleetan altzairuaren industria aldarrikatu dutela zenbait lagunek”, esan du.

Industriaren alde

Beraz, Euskadin industria “ekonomiarako ezinbesteko zutabea izan dela beti”.  "Industriako eskumena dugu, baina ondo egikaritzen jakin behar dugu, hori dela eta, Lehendakariari eta Eusko Jaurlaritzari eskatzen diet hauteskunde-kanpaina egiteari uzteko, urtea agortzeko eta ez galtzeko denbora.  Oso egoera arriskutsuan gaudelako exijitzen diet”, ziurtatu du.

PSE-EEko buruak ohartarazi du "enplegu asko daudela arriskuan, ez soilik industrian, baita enplegu ez-zuzenak ere".  “Industria indartsua behar dugu.  Hortaz, manifestazio honetara hori exijitzera nator, gainontzekoekin defendatzera”, azaldu du.