Eusko Jaurlaritzak Lanbide “egoera begetatiboan" utzi duela diote sozialistek, ez baitu langileekin akordiorik lortu nahi izan, eta ahaztu egin delako Enplegurako Euskal Zerbitzuaren helburu nagusia: “eraginkorra izatea langabeziari eta gizarte-bazterketari aurre egiteko orduan”, baina hori ez da gertatzen.

PSE-EEko Laneko idazkari Alberto Alonsok zenbait adierazpen egin ditu Lanbiden gaur egin duten greba dela-eta. Administrazio Nagusiko mahai sektorialeko sindikatu guztiek egin dute grebarako deialdia, Eusko Jaurlaritzak proposatutako Lanpostuen Zerrendari aurka egiteko.

Alonsok azpimarratu duenez, euskal herritarrek “Enplegurako Zerbitzu  hobea merezi dute, milaka pertsonari lan-merkatuan berriz sartzeko aukera eskaintzeko, trebakuntza sustatzeko eta lan-orientazioa eskaintzeko".  Laburbilduz, euskal gizartearen eskari nagusiari erantzuteko:  langabeziari aurre egitea.  Horrez gain, Alonsoren esanetan, Lanbidek gizarte-babeserako politikak bermatu behar ditu, horiek behar bezala kudeatuz eta iruzurrari aurre eginez.

Baina Eusko Jaurlaritzak alde batera utzi ditu bere ardurak, eta Lanbidek “borrokatzen du gustuko ez duen, nahi ez duen eta, are okerrago, zerbitzuan eragin txarra duen” Lanpostuen Zerrenda dela-eta. Gaineratu duenez, gatazka "epaitegietara” eraman dezakete, eta horrek luzatu egingo du eta “Jaurlaritzak akordioak lortzeko gaitasunik ez duela erakusten du".

Agintari sozialistak nabarmendu du lotura estua dagoela langabeziaren eta gizarte-bazterketaren artean, eta, horregatik, “gizarteratzeko politikak enplegurako politika aktiboekin koordinatu beharko dira", eta horrek izan behar luke Lanbideren "funtzio nagusia".

“Krisia atzean uzten ari garela sinestarazteko eskuinak erakusten dituen estatistika engainagarrien aurrean (Bai PPk, bai EAJk Euskadin), Sozialistok diogu ezin dela errekuperazio ekonomikoari buruz hitz egin langabezia eta ezegonkortasuna gure euskal gizartean duen gaitza baldin bada”, azaldu du.

Alonsok salaketa hori justifikatu egin du, alde batetik, Rajoyren Gobernuak onetsitako lan-erreformaren bidez, hiru urte ondoren “oztoporik gabeko ezegonkortasuna ekarri duelako eta langileen erosteko ahalmena gutxitu baitu”.

Baina Alonsok Eusko Jaurlaritza kritikatu du “dinamismorik eta uste sendorik ez duelako” enplegu politikak sustatzeko orduan.  Alde batetik, “enplegurako baliabide publikoak etengabe murriztu dituelako”, eta ondoren "mantendu eta haserre hobetu ditu” PSE-EEk behin eta berriz eskatu ondoren.  Eta, beste alde batetik, ez diola ekin Lanbidek behar duen erreformari, "enplegua bilatzeko orduan benetako eragile izan behar baitu, eta hori ez da egun gertatzen, eskariak eta gizarte-laguntzak gaizki kudeatzen dituelako”

Hori guztia dela eta, Eusko Jaurlaritzari egungo Lanpostuen Zerrenda bertan behera uzteko eta akordio bat lortzearren sindikatuekin negoziatzeko eskatu dio.

“Utz diezaiola beste batzuei errua leporatzen jarraitzeari.  Ez da erakundeen arteko arazo bat.  Ez da Herri Administrazio eta Justiziako Sailari edo Lan Sailari dagokion arazo bat.  Milaka euskaldunen arazoa da, ez baitute entitate estrategikorik, eta Lanbide egoera begetatiboan dago batzuek ez dutelako nahi langileekin eseri eta beraiek esan behar dutena entzun”, esan du amaieran.