PSE-EEko idazkari nagusiak, Idoia Mendiak, Gipuzkoako Sagardo Naturalaren Elkarteko sagardo-ekoizleak bildu ditu, eta esan die jatorri-deituraren alde egingo duela. Iazko legegintzaldian hasi zuten hori tramitatzen, Patxi Lopez gobernuan zela.  Mendiarekin batera, Euskal Sozialistak Legebiltzar Taldeko Industria bozeramaile Jon Azkue izan da. Mendiak sagardo-ekoizleei esan die jatorriaren alde egingo duela, hots, Sagardo Naturaleko Ekoizleen Euskal Federazioak sustatutakoaren alde. Elkarte horretan Euskadiko 55 sagardotegi daude.

PSE-EEk baloratzen du sagardo-ekoizleek egiten duten ahalegina bertako sagarrarekin egiten den sagardoa bermatzen duen ekoizpen sistema zaintzeko; horrela egin zen Euskadiko Sagardo Naturala Eusko Labela abian jarri zenean.  Halaber, ados dago sagardoaren ekoizpenak turismo eta gastronomiarekin lotutako beste jarduera batzuk sortu beharko dituela, aberastasuna sortzen laguntzearren.