Errespontsu eta lore-eskaintza baten bidez Gernikako biktimak gogoratu dituzte arratsaldean Zalloko hilerrian (Bizkaia) bonbardaketaren 79. urteurrenean. Herriko udalak antolatutako ekitaldia izan da eta Euskal Sozialisten idazkari nagusi Idoia Mendia han izan da.

Gernikak orain dela 79 urte hildako pertsonak gogoratu dituzte omenaldian, Condor Legioaren hegazkin-erasoaren ondorioz “basakeriaren, zentzugabekeriaren eta intolerantziaren” biktimak, alegia.

Asteartean gogoratzeko egin diren ekitaldien artean, 20:45ean "Gernika Garretan” antzezpena egin dute; herrikoek bonbardaketaren inguruan egindako kronika da.  Ondoren, 21:30ean, manifestazio isila izango da, eta kandelen bidez herriko hainbat txokotatik joango da.  Programak, gainera, beste ekitaldi batzuk ditu, esaterako, kontzertuak, erakusketak edo antzezlanak.