Euskal Sozialisten idazkari nagusi Idoia Mendiak uste du astelehen gaueko eztabaidan, Mariano Rajoy eta Pedro Sanchezen artekoan, "bi proiektu oso ezberdin ikusiko direla, bi Espainia ezberdin: Rajoy uzten digun Espainia eta espainiarrok amestu dezakeguna” PSOEk aurkezten duen aukera sendoari esker.

Mendiaren iritziz “Pedro Sanchez egindako eztabaida ugarietako bat da"; izan ere, sozialistok "alderdi eta aukera bat gara, eta ez dugu gobernu-aukeretan sinesten; ez dugu arazorik inora joateko, joatea eskatzen badigute, gizarte, ekonomia eta, nola ez, lurralde mailan ditugun proposamenak azaltzera”.

“Espero dut gauen bi proiektu ezberdin ikustea, bi Espainia ezberdin, Rajoy uzten diguna eta espainiarrek amestu ahal duguna”, gaineratu du.

“Sozialistok aspaldi hasi ziren aukera bat eraikitzen eta entzun nahi duten guztiei azaltzen”, azaldu du, eta ondoren, Mendiak nabarmendu du “horixe egingo duela Pedrok gauean, aukera azaldu, gure proposamen politiko eta ekonomikoak azaldu, Espainian ere politika anitz behar dugulako".

Mendiak ziurtatu duenez, Pedro Sanchezek “eskua zabalduko du akordioak lortzearren, beharrezkoak baitira, azken buruan, beste Espainia bat sortu nahi dugulako, eta ezberdinen arteko akordioen ondorioz sortutako Espainiak izan behar du”.

Inkestak

Mendiak inkestetako datuen inguruan aritu da, eta esan du "une honetan inkesten inflazioa dugula", baina PSE-EEko agintari sozialistari interesatzen zaion bakarra “20an herritarrek botoen bidez egingo dutena” da. Dena dela, ostiralean argitaratutako V. DeustuBarometroaz hitz egin du, eta gauza argi bat diola esan du:  “euskal herritarren % 85ek Espainian gobernu-aldaketa nahi duela”.  Hortaz, “aldaketa hori egin eta gauzatu” behar dela uste du.

“Zalantzan direnen kopurua inoiz baino handiagoa da, eta botoa erabakita duten baina zein den esan nahi ez dutenen kopurua ere handia da", gaineratu du, eta esan du sozialistok “azken unera arte ate guztietan joka arituko garela, azken finean, botoa baita herritarrek duten arma bakarra gauzen egoera aldatzeko".

"Hori egiten ari gara, ez naiz inkestengatik kezkatzen, orain arteko kanpainarekin jarraituko dugu, garrantzitsua baita, proposamenak azaltzeko, jendearengan hurbiltzeko kanpaina baita, horixe egin baitugu beti sozialistok Euskadin eta Espainian”, azaldu du. Berriz esan du ate guztiak joko dituela, plaza guztietan izango dela pertsona guztiekin hitz egiteko”.

Mendiak espero du abenduaren 20an “herritarrek aspaldi esaten duten hori hautestontzietan adieraztea, Espainian aldaketarako beharra, alegia”.

“PSOEren proposamena da aukerak dituen aldaketarako proposamena bakarra”, ziurtatu du, eta, horretarako, herritarrek “PSOEri botoa ematea” espero du, “aukera finkoa, hautagai zorrotza eta akordioak lortzeko gaitasuna duen bakarra delako, denok behar dugun Espainia ezberdina eraikitzen lagunduko diguna”.