Euskal Sozialisten idazkari nagusiak, Idoia Mendiak, Estatuan zein Euskadin ekonomia- eta lan-politika "ezberdin eta ausarta” sustatzeko eskatu du, eta gaineratu du zenbait enpresaren egoerak, esaterako, Arcelor Mittal Zumarraga, ACB edo Tubos Reunidos, erakusten duela ez dugula etsi behar, eta ez dugula egozentrismoan edo optimismo okerrean erori behar”.

Mendiak hori guztia esan du Portugaleten, UGT-Euskadiren XII. Biltzarra irekitzeko ekitaldian alegia.  Horren harira, PSOE eta UGT “anaia-arrebak” direla eta “beste gizarte zintzoagoa sortzeko nahia dela-eta” batuta daudela nabarmendu du.

Gogoratu du biren arteko bidean “hainbat konbergentzia eta dibergentzia izan direla”, baina nabarmendu du, hala ere, “gizarte- eta lan-eskubideekiko mehatxuak handiagoa izan direnean, "gehiago elkartu direla”.  “Eta gaur une horietako bat da”, gaineratu du.

Agintari sozialistak salatu duenez, zortzi urteko “atzeraldi handiko” epearen ostean, “Europan eskuinak ezarritako” herstura-politikek "low cost” Ongizateko Estatua sortzeaz gain, gizarteko zenbait taldetan ere eragina izan dute eta aurrerapen orokorretik at gelditzen joan dira.  “Lan ezaren mundua hor kanpoan dago. Egongo Euskadi da. Egongo Espainia da”, azaldu du.

Hori dela eta, ezin garela Euskadiko agintarien “autokonplazentziarekin” konformatu, Espainian bezala, “eta pozik jarri adierazle positibo txiki bat agertzen denean”.  Halaber, sortzen den lan apurra oso kalitate txarrekoa dela salatu du, lan-erreforma basatiari esker, langile pobrearen figura sortu baitu.  “Nola hitz egin dezakegu berpizteaz? Zer berme ditugu gerora begira?”, galdetu du.

Politika ekonomikoa

Mendiak azpimarratu du premiazkoa dela "ekonomia- eta lan-politika ausarta" egitea, “eskubideen, kalitatezko enpleguen eta soldata duinen hazkundea” bermatuko duena, Mariano Rajoyren gobernuaren ostean; izan ere, atzeraldi handia izan da herri honetako langileen eskubideei dagokienez.

Horrez gain, politika “ezberdin eta ausarta" ere Euskadin behar dugula esan du; izan ere, “ArcelorMittal Zumarragak, ACB Sestok, Nervacerok edo Tubos Reunidosek argi utzi dute ezin dugula Espainiarekin alderatu pozik gelditzeko”.

“Espainian baino puntu bat edo bi aurretik egotea normala da gure garapen ekonomiko, industrial eta soziala duen herrialdearentzat.  Baina zer gertatzen da Baden-Wurtembergekin edo Frantziako Rhône-Alpeserkatuzekin gero?”, galdetu du

Bere ustez, askotan “Euskadin optimismo okerra dugu, eta itsu uzten gaitu erabaki egokiak hartzeko orduan”.  Hori dela eta, “ekoizpen-ehun lehiakorra, berritzailea eta puntakoa” indartu behar dugula esan du.

“Autogobernuak eskaintzen dizkigun baliabide guztiaz baliatu behar dugu Euskadin ere eskubideetan hazteko”, zehaztu du.  Hori dela eta, “ez da autokonplazentziarako edo protestatzeagatik protestatzeko unea”.

Mendiak azaldu du “ahalik eta esku gehien batzeko unea dela”, eta, bere ustez, "Euskadin ezinbestekoa da herrialdearen politika garrantzitsuenetan akordioaren izaera berreskuratzea”.  “Hori eskatzen dut.  PSOEren eta UGTren gidari izan den lankidetzaren izaera imitatzera eskatzen dut”, esan du amaitzeko.