Euskal Sozialistak Legebiltzar Taldeak egungo EITBko zuzendariak kargua utz dezala eskatu du “Legeak kargurako Legebiltzarraren gehiengo osoaren konfiantza behar duela xedatzen baitu, eta konfiantza hori galdu duelako”. Horrez gain, Eusko Jaurlaritzari eskatzen dio hilabeteko epean beste hautagai bat proposa dezala entitatea zuzentzeko “eta horrek irrati-telebistak herritarrei eman beharreko zerbitzuen irizpideei erantzun beharko die”

Asteartean erregistratutako legez besteko proposamen batean, EITBko kontroleko Batzordeko bozeramaileak, Mikel Unzaluz, gogoratu du aurreko ostiralean legebiltzarrean Maite Iturbek agerraldia gauzatu zuela oposizioak eskatuta, eta euskal irrati-telebista publikoaren lerro editorialari buruzko zenbait alderdi azaldu behar zituen.  “Agerraldi horretan, talde guztiek esan zuten ez daudela ados EITBko informazio-irizpideak antolatzeko moduarekin”, azaldu du.

Unzaluz azaldu du 2014ko martxoan sozialistek “konfiantza-botoa” eman ziotela Gobernuak kargurako proposatutako hautagaiari “EITBko sorrera legeak jasotako printzipioak zaintzearren".  Urtebete igarota, 2014ko martxoan, talde sozialistak jendaurrean esan zuen zuzendariak "ez duela behar bezala erantzun konfiantza horren aurrean, modu pribatuan, Administrazio Kontseiluan eta Kontroleko Batzordean planteatu zizkioten alderdiak direla-eta, eta proposatu duenaren ardura dela, Gobernuarena, entitate publikoaren egoera zuzentzea”.

"Konfiantza-ezaren arrazoiek zerikusia zuten ondokoarekin: EITB ez dela irrati-telebista objektiboa, anitza eta inpartziala, euskal gizarteari zerbitzu ematekoa.  Entitate publikoak ez duela proiekturik salatu genuen, baita talde kudeatzaileari, ekoizle-etxeekiko kontratazioei , enplegu publikoak deuseztatzeari eta lerro editorialari dagokienez ez dela gardena ere”, gaineratu du.

Une honetan, urte erdia igaro denean zuzendariak “jakin duenetik legeak exijitzen duen konfiantza eman diotenek ez daudela ados eta zer arrazoi dituzten”, ostiraleko agerraldian egiaztatu da “egia bada talde bakoitzak esandakoa”, ez duela babesik agindutako funtzioarekin jarraitzeko.  “Lerro editorialaren inguruan talde guztiek adierazitako errefusapenaz gain, enplegu publikoaren kudeaketarekin ere ez daudela ados diote, langileen ordezko diren zentral gehienek diotenaren arabera”, gaineratu du ordezkari sozialistak. Ostiralean bertan berriz galdetuko dio Uriarte sailburu andreari enplegua kentzearen aldekoa den abian jarritako Lan-eskaintza Publikoaren bitartez.

Bestalde, Unzaluk argitu nahi du "egungo zuzendariak karguan aritzeko legeak exijitzen dion babesa duen ala ez".  “Ekimena Gobernuari dagokionez, eta orain arte beraren jardueren alde egin duenez, Legebiltzarrari, ekintza politikoa sustatzeko funtzioa denez, dagokio zehaztea izendapen bat egokia den ala ez, euskal sozialistok aldezten dugun irrati-telebista publikoko zerbitzua izan dezagun”, esan du amaitzeko.