Mendia: “Lan arloan, Rajoyren Espainia marka langabezia gehiago, ezegonkortasun handiagoa eta babes eza handiagoa da”
Euskal Sozialisten idazkari nagusi Idoia Mendiak ohartarazi du Rajoyk eta Ciudadanosek ez dutela aukerarik eskaintzen “lan-ezegonkortasunaren” eta “langileen eskubideen murrizketaren” aurrean, eta langabeziaren eta ezegonkortasunaren arazoa konpontzeko "eskubideetan aurrera egitea dela, Sozialistok proposatzen dugun bezala".
Guardian (Arabar Errioxan) egindako ekitaldian, Idoia Mendia Iratxe Garcia eurodiputatuarekin eta Arabagatiko Kongresurako PSE-EEko hautagai Javier Lasarterekin izan da.
“Lan arloan, Rajoyren Espainia marka langabezia gehiago, ezegonkortasun handiagoa eta babes eza handiagoa da”, azaldu du Mendiak. Baina ohartarazi du Rajoyren lan-politikaren aurreko aukera ez dela "kontratu bakarra, Ciudadanosek, eskuin berriak, proposatzen duen bezala”. “Kontratu horrek ezegonkortasuna unibertsal bihurtzen du eta behin betiko langileei eskubideak kentzen dizkie”, azaldu du.
Agintari sozialistaren iritziz, “konpontzeko ezin dira behin betiko langileen eskubideak eta lan-baldintzak murriztu, horrek beraien egoera ezegonkortuko duelako eta aldi bateko langileen parean jarriko dituelako, eta horixe proposatu du Ciudadanosek”; aldiz, “egoera konpontzeko, eskubideetan egin behar dugu arrera, Sozialistok proposatzen dugun moduan”.
Konstituzioaren Eguna
Gaur Konstituzioaren Eguna dela baliatuz, Mendiak 1978ko Konstituzioa goraipatu du, “oraingo historiaren urte onenak ekarri dizkigulako”. “Elkarbizitzako, aurrerapeneko eta gizarte-aurrerapenen aldi luzea ekarri digu. Baita Euskadin ere. Baina, indar eta ausardiaz ere diogu Konstituzioa berritzeko unea dela", azaldu du. Erreforma “ber-konstituzionala", baina ez "konstituzionala", zenbait alderdik proposatzen duten bezala, Podemosek, besteak beste.
Posted by SOCIALISTAS VASCOS on Domingo, 6 de diciembre de 2015
