Euskal Sozialisten idazkari nagusiak, Idoia Mendiak, azpimarratu du euskal gizartean "funtsezko funtzioa" eman diola PSE-EEri euskal politikaren inguruan, eta hori baliatu nahi duela "euskal erakundeetan egiten diren politikak ezkerrera biratzeko".  “Badakit ez dela erraza izango.  Badakit zenbait arrisku ditugula”, onartu du PSE-EEko Biltzar Ttipian. Biltzarrak EAJrekin negoziatzen hasteko aukera onetsi du udal eta foru erakundeei egonkortasuna ematearren. Dena dela, Idoia Mendiaren ustez, “gure printzipioei jarraituz gero, akordioak denon mesederako izango dira.  Herritarrek hitz egin eta ardurak gain har ditzagun nahi dute”.

Biltzar Ttipian Idoia Mendiak udal eta foru hauteskundeetan lortutako emaitzak baloratu ditu, eta alkatetzekin jarraitzea lortu duten alkate sozialisten lana nabarmendu du.  “Bere burua goratu nahi badu ere”, Mendiak uste du hauteskundeak “pizgarri” izan daitezkeela Espainia mailan, urtebete barru Espainiako Gobernuko presidentea sozialista izan dadin.  Euskadiri dagokionez, emaitzei esker Alderdia berritzeko prozesua sakon dezakegula, eta XXI. mendeko erronken aurrean Euskadi modernizatzeko programa-eskaintza berritu ahal izango dugula uste du.

Euskadiko Batzorde Exekutiboaren eta EAJren arteko negoziazio irekiak zenbait akordio lortzea du helburu, herritarrei laguntzeko eta ez dela “Urkullu lehendakariari erosotasuna eskaintzeko”.  “Pertsonekiko konpromisoa dugu. Ez alderdiekiko konpromisoa”, gaineratu du Mendiak. Horrez gain, PSE-EEk zenbait gairen inguruan oposizioan jarraitu duela argitu du:

- Ez diogu gure politiken garapenari uko egingo.

- Ez diogu uko egingo (EAJk atsegin ez badu ere) Etxebizitzaren Legea onesteari, etxea eskubide bihur dadin eta Euskadin inor kalean gera ez dadin.

- Ez diogu uko egingo EiTB berritzeari

- Ez diogu uko egingo erakunde-egitura berritzeari.

- Ez diogu uko egingo nazionalisten ereduaren aurrean beste herri-eredu ezberdin bat aurkezteari.

Agintari sozialistak esan duenez, ez du axola “norekin” egin akordioak, “zertarako egin” baizik.  “Eta zertarakoen zerrenda, egun, Euskadin, luzea da”:

- Zertarako? Ekonomia berpizteko.  Eta Euskadi geldialdi nagusitik ateratzeko.

- Zertarako? Enplegua sortzen laguntzeko.  Enplegua gazteentzat.  Epe luzeko langabetuentzat.  55 urtetik gorakoentzat.  Eta, batez ere, kalitatezko enplegua.  Asko pozten gara langabezia murriztu delako, baina horrek ez du ezer gutxirako balio sortutako lana aldi baterako bada edo ezegonkorra bada.

- Zertarako? Zerga-erreminta erabilgarri izan dadin.  Gure zergen bidez benetan aberastasuna banatzeko eta baliabide gehiago izan ditzagun ekonomia berpizteko.

- Zertarako? Iruzurrari eta zerga-ihesari eraginkortasunez egiteko aurre, eta denon elkartasunetik ihes egin nahi dutenak jazartzeko.

- Zertarako? Mendetasunaren eta gizarte-zerbitzuen legea garatzeko.

- Zertarako? Gizarte-babesaren alde egiteko.  Eta beharren bat duena ez da abandonatutako utziko.

Mendiak onartu du EAJrekin hasitako negoziaketak zenbait “arrisku” dituela, baina “gure printzipioen arabera jokatzen badugu, herritarren mesederako izango da”, eta aukera emango digu Euakdin “erakunde-politikak ezkerrera biratzeko”, udalei eta euskal aldundiei “gure zigilu sozialista jarriz”.