Eusko Legebiltzarreko Alderdi Sozialistaren bozeramaileak, José Antonio Pastorrek, gaur Legebiltzarrean esan du “zerga-iruzurrari aurre egitea ez dela iruzurgilea ezagutzen dugula esatea, diputatu nagusiak egin duen moduan, ikertzea, jarraitzea eta salatzea baizik".  “Kezkatuta gaude —esan dio José Antonio Pastorrek lehendakariari— behin eta berriz esaten duzulako ez dugula dirurik ongizateko politiketarako, baina ez diguzu argitzen nola berreskuratuko dugun zerga-iruzurraren bidez ihes egiten zaigun dirua:  2.5000 milioi gutxiago ditugu enplegu politika aktiboak egiteko, ekonomia berpizteko, Osasuna eta Hezkuntza hobetzeko edo bazterketa-arriskuan dauden pertsonei laguntzeko”.

"Hori guztia jakin behar dugu —esan dio bozeramaile sozialistak Lehendakariari—, hurrengo aurrekontuetan islatuko baita.  Eta herriak jakiteko eskubidea du; izan ere, bere etorkizuna antzemandako iruzurgileen kopuruaren araberakoa, berreskuratutako kopuruaren araberakoa, kontrolatzeko neurrien arabera egin denaren araberakoa (adibidez, informatika-konexioak) eta datorren urterako iruzurrari aurre egiteko dituzten helburuen araberakoa izango da.

“Eta hori guztia —gaineratu du José Antonio Pastorrek—, ezer gutxi esaten digu.  Eta ez du ezer esan nahi Arabako Aldundiak zerga-akordiotik at gelditu denean sinatu baino pare bat egin lehenago; edo gobernuko sailburu batek, Tapia andreak, zerga-politika erabiltzen duenean enpresariak beldurtzeko eta Gipuzkoa eta gainontzeko probintziak aurka jartzeko.  “Eta ez dut pentsatu nahi, Urkullu jauna, —gaineratu du—, zerga-iruzurraren aurkako borrokaren inguruan isiltzen zaretela gizarte-murrizketen politika berriak egiteko.  Dagoeneko, guretzat behintzat, aukera hori ez dela posible jakingo zenuke”.