Discurso de @PatxiLopez en la constitución del Congreso de los Diputados en la XI legislatura #EmpiezaElCambio https://t.co/PV8Ilgp8OA

— PSOE (@PSOE) enero 13, 2016

Kongresuko presidente berriak, Patxi Lopezek, parlamentuko indarren arteko “elkarrizketaren” eta “elkarri ulertzearen” alde egin du, datorren legegintzaldia zuzenduko dituzten balio politiko garrantzitsuak direlako. Horrez gain, Espainia “batez ere denon proiektua dela” azpimarratu du diputatu berrien aurrean.

Gorteetako presidente gisa eman duen lehen diskurtsoa izan da. Diputatu guztiek Konstituzioa onartuta, azaldu du botere legegileak "desadostasunak kudeatzen jakin behar duela", eta "ahal dugun guztietan batzen gaituena bilatu beharko dugula, bereizten gaituena bilatu beharrean”,  horixe baita, bere ustez “demokraziaren beraren funtsa”.

“Gure eskuetan dugu —esan die diputatuei— presio guztien aurrean politikaren autonomia eta herritarren borondatearen autonomia aldezteko ardura”.

Halaber, omenaldia egin die diktaduraren aurrean demokrazia eta askatasunaren alde egin zutenei eta terrorismoaren aurka lan egin zutenei, eta parlamentariei eskatu die "herritarren eskakizunetara erantzungo dieten politika- eta erakunde-politikei ekiteko”.

PSOE eta Ciudadanosen botoen bidez aukeratuta izan ondoren, Lopez hasi zen terrorismo yihadistako biktimekiko elkartasuna adierazten, atzo Istanbulen (Turkia)  eta gaur Kamerunen gertatutako atentatuak direla-eta, eta genero-indarkeriaren gaitz “jasanezina” salatu du.  Hori dela eta, Estatuaren akordioa eskatu du, “hausturarik gabekoa”, indarkeria horri modu osoan eta gelditu gabe aurre egiteko.