PSOEko idazkari nagusiak, Pedro Sanchezek, uztailaren 16an Araban egingo den jardunaldi ekonomiko batean parte hartuko du Euskal Sozialisten idazkari nagusiarekin, Idoia Mendiarekin, batera.  Pedro Sanchezek Araba, Espainiako probintziarik industrializatuena, bisitatu nahi du; izan ere, PSOEk proposamena ekonomiko bat lantzen ari da Espainiarako eta proposamen horrek "industrializazioa sustatzea du helburua, besteak beste”, azaldu du Mendiak.

PSE-EEko idazkari nagusia Onda Ceron elkarrizketatu dute, eta azaldu du Pedro Sánchezek, gainera, Euskadirako bisita baliatu nahi duela Urkullu lehendakariarekin biltzeko, PSOEko idazkari nagusi aukeratu zutenetik ez baitu lehendakariarekin biltzeko aukerarik izan "jarduera handia" egin behar izan duelako.  Bilera biharamunean, uztailaren 17an, izango da.

Udalen Legea

Elkarrizketan, Mendia Udalen lege proiektuari buruz ere aritu da. Abenduaren 31 baino lehen onetsita izatea espero du, eta esan du ez dela epe-luzapen gehiagorik eman “serioz egin behar delako lan” alderdiek aurkeztu dituzten zuzenketak aztertzeko; horrela bada, uda ostean “adostu ahal izango dugu eta Eusko Legebiltzarrean zein udalen lege aukeratuko dugun erabaki beharko dugu”.

Lurralde Historikoen Legea aldatzeko aukerari dagokionez, bere alderdiaren eta EAJren artean 2013an izenpetutako akordioa aipatu du, aipatutako akordioak alderdi hori bildu zuelako. Erreforma horren arabera, “herrialdea modernizatu beharko dugu, arinago funtzionatu beharko du eta baliabide ekonomikoek joan beharko dute joan behar duten lekura".

Herrialdearen erakunde-arkitekturari buruzko eztabaidari ekitea posible dela uste du Mendiak, eta azaldu du bere alderdiak guztion arteko “zeharkako akordioak” lortu nahi dituela; dena dela, aipatutako erreforma EAJri aurkeztuko dio lehendabizi.