Euskal Sozialistak Legebiltzar Taldeko Enpleguko bozeramaileak, Bixen Itxasok, gaur berriz eskatu du epe jakin bat jar dezaten Lanbiden Lanpostuen Zerrenda zehazteko, diru-sarrerak bermatzeko errentaren zerbitzu publikoa eta enpleguko politika aktiboak blokea ez ditzaten. Baina galderak ez du Gobernuaren erantzuna jaso.

Kontroleko osoko bilkuran, Itxasok gogoratu du Enpleguko sailburuak —eta Lanbide horren menpe dago— ohartarazi zuela orain dela gutxi egindako agerraldi batean, Lanpostuen Zerrenda egiten ez badute, "Lanbideren eraikina eror daiteke". Ondoren, Lanpostuen Zerrenda egiteko ardura duen sailburuak, Josu Erkorekak, ekainean ez dutela prest izango esan zuen.

“Kontraesanak ez dira larriak.  Larriena definizio eza da, eta gaur egun ez dugu Lanpostuen Zerrendarako eperik, eta beharrezkoa da zerbitzua emateko”, nabarmendu du ordezkari sozialistak; gainera, legebiltzarreko jardueran gogoratzen du Lanbideren figura juridikoa aldatu egin zutela aurreko legegintzaldian politika aktiboen eskumena gain hartu baino zerbait lehenago, eta horrek eragina izan duela zerbitzuaren lan-politikan; dena dela, egungo gobernuak, agintaldiaren herena amaituta, ez du  konponbiderik eskainik, Erkorekak berak 2013ko abenduan konponbideren bat izango zutela esan bazuen ere.

Itxasoren ustez, atzerapen horrek zerikusia du Gobernuaren ekintza ezarekin; “enplegu politikak ez direnez betetzen, modu amoragarrian atzeratzen dira, gizarte-elkarrizketa desagertu da, baita elkartasun funtsa ere..." “Gai horiek ez daude aurrekontuen menpe, Gobernuaren ekintzaren ondorio dira", esan du.  Ordezkari sozialistak esan du Lanpostuen Zerrendari epea jarri behar diotela, baina sailburuak ez dio eskaera horri jaramonik egin.