Euskal Sozialistak legebiltzarkide sozialistak onartu egin du "polizia guztiek” lan bikaina egin dutela azken hamarkada hauetan ETArekin amaitzeko eta Zuzenbidezko Estatua aldezteko, eta eskerrak eman die; gainera, deitoratu du EAJk EHBildurekin hitzartu izana onarpena hori saihesteko.

"Zuzenbidezko Estatuaren alde egiten duen poliziarik ez digu trabarik egiten, baina haien artean koordinatu behar dira", esan du gaur goizeko Osoko Bilkuran Segurtasuneko bozeramaileak, Mikel Unzaluk; gainera, esan du Polizia Nazionala eta Guardia Zibila bere horretara bidaltzea ez da “lehentasun bat”, oraindik gure herrietan ETAko batzuk badirelako eta "erabaki beharreko beste gauza garrantzitsuago batzuk ditugulako, adibidez, krisitik nola atera behar garen eta Ongizateko Estatua nola defendatu behar dugun".

Unzaluk gogoratu du Segurtasuneko Batzarrak ebatzi behar duela polizien egokitasuna eta “sozialistek errespetatzen ditugu” batzar horrek hartutako akordioak, baina abiapuntua ondokoa da: "demokrazian ez dugu poliziaren baten lana soberan eduki”.

Ordezkari sozialistak dio EHBilduk sortu duela eztabaida hori “Gernikako Estatutuak jaso dituen eskumenak gezurrez argudiatuz”.  “Egia esanda, alde egin dezaten behin eta berriz eskatu dute; polizia guztiei ospea kentzeko kanpainako beste urrats bat da".  Hori dela-eta, deitoratu du EAJk EHBilduren aldarrikapenekin bat egin izana, “Estatuaren Segurtasun Indarrek eta Ertzaintzak egindako lana onartzeko aukera saihestu du".