PSE-EEk egiaztatutakoaren arabera, Radio Euskadin zenbait enplegu publiko suntsituko dituztela berresten du Radio Euskadiren Enplegua Erregulatzeko Espedienteak, EITBko zuzendariak eta Lehendakariak berak esandako guztiaren aurka. Horrez gain, zenbait urte euskal irrati telebistan lan egin duten baina finko ez diren 56 eta 66 bitarteko behin betiko langile kaleratuko dituzte.

Administrazio Kontseiluko kideek, Euskal Sozialistak Legebiltzar Taldeak proposatuta, Enplegua Erregulatzeko Espedientearen berri izan dute jendaurrean azaldu ostean, eta EAJk, EHBilduk eta LABek 2014ko apirilean bermatu zuten prozeduraren gainean hasiera-hasieratik zituzten zalantzak dituzte.

Administrazio Kontseiluak egin dituen bileretan eta Legebiltzarreko ekimenetan ikusi denez, Enpleguko Eskaintza Publikoa Enplegua Erregulatzeko Espediente ezkutua izan da hasieratik, eta orain legearen arabera itxuratu nahi dute. Gainera, ez zuen ezta Jaurlaritzaren txostena ere, eta ez du jarraitu euskal Herri Administrazioan finko ez diren behin betiko lagungileak erregularizatzeko erabili den prozesua.

Administrazio Kontseiluko ordezkari sozialistek entitatea kudeatzeko beste eredu bat eskatzen jarraitzen dute, legegintzaldi osoan egin duten moduan, herritarrei kalitatezko zerbitzu publikoa eskaintzeko benetan zer giza baliabide behar dituen definituko duena.