Lehendakariak baliabideen gabeziaren aitzakia erabili du EITBko zuzendari nagusiaren kudeaketa aldezteko, eta PSE-EEren ustez, aitzakia onartezina da eta ez du euskal telebista publikoak duen arazoa konponduko. Urkulluk gaizki eta berandu erantzuten du. Koma egoeran dagoen zuzendaritzari oxigenoa eman baino ez du egiten eta, are larriago dena, euskal herritarren dirua erabiltzen jarraitzen du; izan ere, ardurarik gabe eta kudeaketan gutxieneko helburu batzuk exijitu gabe Eusko Jaurlaritzak dirua ematen baitio.

Berriz ere argi gelditu da ez dutela kudeaketan ideiarik, proiekturik eta trebetasunik. Urkulluk esan duenaren arabera, krisi ekonomia arrazoi egokia izan daiteke zerbitzuak ez emateko, adibidez, Osasuna edo Hezkuntza.

Eusko Jaurlaritzak EITBko aurrekontua handituko du, langileen kudeaketa txarrari aurre egin diezaion, epaileek zuzendarien jarraibideen arabera jokatzen dute eta ikus-entzuleek (gaztelerazkoek zein euskarazkoek) ihes egiten dute. Ihes egiten dute ez dutelako gogoko ikusten dutena.  Eta entzuleek ihes egiten dutenez, publizitate gutxiago dute eta diru-sarrerak ere txikiagoak dira.  Euskal herritar bakoitzak zerbitzu horregatik 50 euro ordaintzen dituenez, PSEren ustez, herritarrek aukera egokia merezi dute, beste telebista-kate batzuk ikustea erabaki ez dezaten.

Euskal Sozialistok jarraituko dugu kudeaketa-aldaketaren alde egiten eta EITBren eredua hobetzeko lan egiten; horretarako, eraginkorragoa izan beharko du, XXI. mendera egokitutakoa eta izaera publikoa berreskuratu beharko du, nazionalisten babesleku izan ez dadin.

Urkulluk nahiago izan du Iturberi eta beraren zuzendaritzari lagundu, nahiz eta horiek entitatearen etorkizuna oztopotu.  Ez da lehendabiziko aldia.  Gauza bera egin zuen urtearen amaieran, etxeko kontuetan zuzendaritzak egindako funts-zuloa egiaztatu zenean.  Une horretan, Eusko Jaurlaritzak lau milioi euroko txertoa jarri behar izan zuen.

Orain, hamaika hilabete igaro direla, Urkulluk berriz laguntzeari ekingo dio entzuleen inguruko emaitza txarrak ikusita.  Aldea ondokoa da: herritar guztien diruarekin EITBko kontuen defizita estali zuten, baina oraingoan lehendakariak ezin ditu aldatu porrot egiten duen programazioaren inguruko datu txarrak (antenan jarri baino lehen ere porrot egiten du).  Iturbek eta kudeatzaileen taldeak erabaki dute udazkeneko programazioa atzeratzea eta murriztea, eta horrek antenan jartzen diren programekin amaitzen du.

Iturberen zuzendaritzak ikus-entzuleen galera ekarri du, eta pantaila kuotaren % 10 galdu du.  Horrez gain, informatiboak eta eztabaida-programak ez dira, dagoeneko, erreferentzia bat, eta telebista pribatuak aurretik jarri dira.  Ikusle-entzuleak aztertuz gero, handitu ezingo den beherapen egoera ikusten da.  Gainera, ondoko paradoxa ere ematen da: ETBk publizitatea ematen du, baina ez du horren truke diru-sarrerarik jasotzen, iragarkiak gehiagotan jarri behar dituztelako prezio beraren truke, iragarleek kontratutako audientzietara heltzeko.

Kudeaketa txarra lan-eremuan ere sartu du; Eusko Irratian ezkutuko Enplegua Erregulatzeko Espediente baten deialdia egin zuten inolako segurtasun juridikorik gabe, eta Estatuaren abokatutzaren errekurtsoa du.  Ez da gogoratu behar epaitegiak Enplegu Publikoko Eskaintzaren aurka egin zuela, eta azterketa bat atzeratu zela horren ondorioz; epaitegi errekurtso gehien izan dituen eskaintza publikoa da.

Iturbek eta bere kudeatzaileek erakutsi dute ez dutela entitatea kudeatzeko gaitasunik.  Zuzendari aukeratzeko lortutako laguntza politikoak, urtebete baino gutxiago iraun dizkiote.  Zuzendaritza bakar-bakarrik dago, EAJren laguntza baino ez du, eta datu ekonomikoak eta ikus-entzuleei burukoak jasan behar ditu.