ETAren armen zati txiki bat zigilatzeari buruz gaur egindako iragarkia “norabide egokian doan ekintza da, baina oraindik txikiegia da, ez da nahikoa”, Euskal Sozialisten idazkari nagusiarentzat. Patxi Lopezek banda terroristari "euskal gizarteko gehiengoak nahi dutena eskatu die, arma guztiak emateko eta desegiteko, alegia".  “Euskal Sozialistok ez dugu inoiz norabide horretan ematen diren aurrerapausoak mespretxatuko, kasu honetan bezala, murritzak badira ere.  Baina argi ere esaten dizuet bakarrik onartuko dugula terrorismo-antolaketaren desagerpena, gizartean denbora luzez bidegabekeriaz egindako kaltearen ardura gain har dezaten eta biktimei ordaina eman diezaieten", nabarmendu du.

Bilbon gaur arratsaldean komunikabideetan egindako agerraldi publikoan, Patxi Lopezek gogoratu ditu terrorismoaren biktima izandako legebiltzarkide sozialista bi: Fernando Buesa eta Enrique Casas. Goizean Eusko Legebiltzarrean omenaldia egin zaie. “Beraientzat, haien senideentzat eta ETAk  hil dituen ehunka pertsonen adiskideentzat, nire lehen oroimena eta errespetua; izan ere, justiziatik eta benetako oroimenetik baino ezingo dugu bizikidetzarako bidea eraiki, hots, terrorismoaren zikloa amaituta gure herrian hasitako bidea”, esan du.

Lopezek ohartarazi du, iragarpenak sortutako aukeren aurrean “ezin dugula, zenbait efekturen eta antzezpenen bidez antolakundearen amaiera atzeratu nahi duen jolasean erori, antolakundeak esan baitu ez duela berriz egingo orain arte gauzatu duen jarduera bakarra”.  PSE-EEko idazkari nagusiarentzat “armak kentzea ezinbestekoa bada, ez da nahikoa”; izan ere, "armek berez ez dute inor hiltzen, arma horiek erabiltzen dituzten antolakundeek eta ideologiek eta armekin tiro egiten pertsonek hiltzen dute", eta, beraz, gogoratu du ETAk orain dela bi urte esan zuela “betiko utzi duela bere jarduera” alde bakarrez eta baldintzarik gabe.

“Euskal gizarteak ETA desegin eta desager dadin espero du, eta presoei eta aske diren kide gutxiei egingo lieken mesederik handiena litzateke”, adierazi du, “gehiago agertuz, luzaroago iraungo baitira hilketen oroimena eta zailago izango baita terrorismoaren hamarkada horietan utzitako kalteak konpontzea".

Sozialisten liderra Espainiako eta Euskadiko gobernuei ere zuzendu da "eta norgehiagoka, eta amaiera alderdiaren intereserako erabiltzeko tentazioa alde batera utz ditzaten” eskatu die.  Bere ustez, bi gobernuek “batasun eta adostasun handiena bilatu behar dute, eta zuhur eta leialtasunez lan egin beharko dute, orain dela gutxi egin den moduan eta Sozialistok lan egiten jarraituko dugun moduan".

“Gizartearen gehiengorentzat konpondutako gai honetan”, azaldu du Lopezek, "behingoz sinetsi behar dugu amets gaiztoa betiko amaitu dela, demokraziak irabazi duela, eta legea eskuan dugula, garai berria kudeatu behar dugula azkartasunez eta helburu garrantzitsuak jarrita".